男士穿搭｜如果你想學吓點樣着衫👌🏽🙏🏽

本期我哋九龍仔編集部聚焦於九龍仔(即係我自己），一個由資深時裝買手兼古着收藏家Nathan創立嘅時裝穿搭分享空間。

透過喺時裝界超過十年嘅閱歷，今期我會用三個 “W” 去講吓九龍仔嘅核心理念同埋誕生背景。

What is Kowloonjai’s main purpose?

最主要係想透過自己喺時裝界嘅經驗去幫助忙碌而且冇乜時間冇乜渠道去研究着衫方法嘅都市人。

之前幫幾位老友由Slim fit過渡到Oversize再過渡到Clean fit，見到佢地一個二個依家自信滿滿，令我倍感安慰，繼而令到我萌生要鑽研服飾穿搭指導同fashion therapy，去幫助更多忙碌而且冇乜時間冇乜渠道去研究着衫方法嘅都市人。

Where is Kowloonjai located?

雖然叫做九龍仔，但其實係位於香港嘅一個小島：坪洲。

事源我的確由出世開始喺九龍生活咗20幾年，係切切實實嘅九龍仔，之後因為想遠離繁囂，歸於寧靜，選擇咗喺離島生活。

如果你睇到呢度，我期待你可以喺寧靜小島上

體驗穿搭為你帶嚟嘅改變。

When did Kowloonjai begin?

2018嗰陣我想喺Instagram分享OOTD(Outfit of the day)，之後就創立咗九龍仔呢個Instagram帳戶去分享吓自己對配襯、穿搭嘅一啲睇法，跟住就偶然有機會開始擺下檔同埋幫人做吓配襯。